Elkartasunezko ikaskuntza

Elkartasunezko Ikaskuntza eta Zerbitzua gure Ikastetxeak bere-berea duen ezaugarrietakoa da, gizartearekiko sentiberak eta arduratsuak izango diren ikasleak hezi nahi baititugu. Horregatik, gizarteko errealitate zehatzekiko harreman zuzena izateko aukera ematen dieten jarduerak antolatzen ditugu.

Ikasleak bere ingurunean hautematen duen egoera hobetzen saiatzeko konpromisoa hartzen du, horretarako elkartasunezko proiektua garatuz, bere ezagutzak, trebeziak, jarrerak eta baloreak proiektu hori garatzeko baliatuz. Hezkuntza modu honen bidez, edozein adinetako neska-mutilek, Haur Hezkuntzatik Bigarren Hezkuntza arte, ekinez ikasten dute, gizarteari ekarpenak eginez.  

Gisa horretan, euren inplikazioa areagotzen da eta eurak protagonista sentiarazten dituen elkartasunezko proiektua garatzen dute. Gure proiektuen artean, Gurutze Gorriarekin, Elikagaien bankuarekin, Gizalderekin eta Adinekoen San Gabriel Egoitzarekin egiten ditugunak azpimarratuko genituzke.